妖好凍! 而我仲要係度凍搣搣等熱水沖涼, 同時醒起我出年犯太歲。手腳就黎凍到生凍瘡醒起我好似係寒底。由於時間關係, 我要吹一陣水。唔知呢片吹起既水會唔會結冰。

1. 我瘦佐3磅咁大把令我好鬼鼓舞, 決心繼續做運動。心中暗暗地YEAH, 雖然唔知瘦佐邊忽暗中擔心係好瘦唔瘦瘦佐胸。
2. 就黎又開始上JAZZ堂, 今次要再努力練習, 唔好太HEA晒學費晒時間最重要係晒佐我o個句「我鍾意跳舞」。
3. 太陽天蠍月亮金牛金星山羊既我, 係含隱一族百忍小靈精, 谷住成肚氣就黎可以嘔到一兆公升DIET COKE。畢生志願唔係世界和平警惡懲奸做月野兔, 而係學識放鬆自己條痴孖筋。星座小美人分析既。我記起上次去玩氣功阿師奶係咁叫我「放鬆」, 我就緊張到抽晒筋, 因而無辦法唔信星座小美人。
4. 死喇我諗我而家好鍾意飲容易入口既酒。斷章取義到嘔, 我份人無得救。
5. 我好想買活地亞倫EVERYONE SAYS I LOVE YOU。但兩舊水。我好想扮自由行試下講價, 煩到人地平俾我為止。
6. 周圍唱俾人聽我最近睇佐一齣恐怖片MISS MONDAY。真係好恐怖, 中文名係「女人最痛」。俾人撩陰私仲要全球熱賣, 你話係咪恐佈襲擊。
7. 望住反應好快好心急既人馬座。我不停諗自己反應好快做野好快講野好快好心急既樣。
8. 水(終於)滾, 而家好驚青咁死去受死。