師弟又黎電視城, 我地一齊食lunch. 佢唔識路黎canteen, 我猛叫佢快d, 趁四眼仔未同明珠阿姐食完離場前, 見下佢囉. 佢好想見, 我又好想佢見到. 時間o岩o岩好, 師弟o岩o岩坐低, 佢地就起身走人, 剛好來得及打個正面. 佢地同我笑住打招呼離開. 我又好驚青咁打番招呼. 仲瞥見師弟忍笑. 事後佢話我面紅播. 佢既評語係: 四眼仔都幾cute. 我話係!係! 孩子臉! 師弟話: 佢仲要咁有才華咁瀟灑咁慢慢走佐去, 你真係死幾百次佢都未知. 我慘情樣話: 係囉! 佢成日都係咁架! 嗚嗚. 我食完粥, 師弟終於餓, 就陪佢去買例飯. 前面就係LCK. 我同師弟講佢係明珠台高手高手高高手. "你仲唔快D吸下D仙氣!" 我就O係人地側邊猛索. 但只係索到白飯味.

每次同其他朋友講話我公司有個師兄佢好叻架XYZABC點點點. D FRIEND就會斬釘截鐵話: "四眼仔丫嘛!" 我就好驚奇, 蝦? 原來咁多人識四眼袋喎. 哈哈. 今朝早同某同事係公巴傾計, 佢問: 你係佢師妹, 但點解你地無咩兩句既?/ 唔...大家D番工時間各自太FREE啦, 無咩機會傾多兩句. / 打俾佢呀嘛! / 我無佢電話. / 同事笑笑口. 我淨係記得四眼仔讚過我叻, 同埋同佢講我開始接明珠野做時佢笑笑口話"係呀?"既樣. 嗯, 仲有, CANTEEN既O個陣白飯味.