不禁在心裡疾呼: 激死! JET 已經唔好睇!
好討厭D野去得太快。衰老得太快。哎呀呀, 茶沒有喝光早變酸。
正如星期日去茶樓飲茶, 咦, 唔係叫左普洱咩? 點解飲落似壽眉。根本就淡茂茂無味。連個色都唔合格。只有在鳳城喝會好一點點......說回JET。MAX MARA既裙同薛凱琪都靚爆, 不過只供欣賞, 暫時未買得起, 未CARRY得起。本來少少期待黎小姐既新書特輯, 可惜無甚特別, 而且不少部分都疑似繕稿。是對的! TRAILER不宜比電影本身好看的顯淺道理。照片仍然賞心悅目, 但整理方面大不如前。專欄方面, 只睇黎小姐的好多期了。
有朋友每天飲咖啡至少兩三杯。總忍不住問, 如果有天飲爆QUOTA咁點算? 有天再也沒有提神的功效, 你還會不會喝咖啡? 我愛(尤其港式)奶茶, 不好咖啡。但從來不敢多喝, 只在有需要(提神或情感需要)時喝。
好討厭D野去得太快。根本去=死。爆終有一日會破。
可能只係我庸人自擾啦。BUT。現在的高科技社會令人覺得好恐慌, 如果真有世界末日, 一定是高科技DRIVE我地去末日、去死的。打一粒字會有聯想, HIDE粒揧就可以LIKE, 一副疑似萬能的手機......天, 人類會不會腦殘? 還需要笑嗎? 還需要哭嗎? 還需要思考嗎? 其實我不需要未來有智能家居, 太耗電而且人會太懶。反而想在家添置天花板的吊扇, 反而想換走部所謂智能手機。大概有天大學不會有哲學系。(希望不會, 我妄想自己退休後入讀這一系。)......太IN了, 太ADVANCE了。太太太ADVANCE的一切。D野去到咁前, 人人都只係用家, 沒有人有興趣深究基本野, 沒有人關心。好恐怖。可以慢一點嗎, 請問? HELLO?! 其實無人在聽。D野太就手太容易得到好恐怖。
不如郁多D個身體啦, 我成日提自己。
否則有天總會忘記她是活生生的。
