雜項: 我喜歡一點一點寫雜不lung

1. 用手機給粉紅色鬱金香拍照, 做桌面, 每次看見都會微笑, 太美了
2. 用了bobbi brown一段長時間了。幾乎是獨沽一味地用。我說我喜歡這個品牌背後的philosophy呀, 女朋友笑說: 我只管產品質素, 才不管什麼philosophy, 哈哈。從前覺得bobbi小姐特別有氣質, 妝容自然但亮麗, 修眉時很專注。可惜現在連修眉氣氛都不同了。櫃檯擠滿了人, sogo counter的幾位小姐特別叫人氣結, 已經有不止一次的不愉快購物經驗了。雖然真的很喜歡昨晚買的almond胭脂和眼線膏。真係幾鍾意畫眼線 (!) 是為什麼bobbi小姐的妝容不再像以前了? 現在她們比較像nars小姐, 妝容浮誇而且沒有了那份從容, 可能客仔太多。
3. 反而m.a.c.的化妝小姐很直率可愛。
4. 現在家裡有了一個小小的電腦位。上面放了我的手提電腦, 有lovely手枕, 固定的mouse和mousepad, 另一邊是小桌燈, 一本小書, footcream和handcream。好就手呀。這小小的安定叫我非常滿足和快樂, 是我為自己安排的小小角落。半夜就可以在燈前閱讀或聽 jazz上網。
5. 最近睡前都會噴朋友送的香水, 甜甜的味手腕可以帶著閃閃的金粉睡, 戴埋h&m粉紅色眼罩, 咁就perfect喇, 可以安然進入夢鄉順便發個好夢喇。
6. 最後說一次: 很. 不. 喜. 歡. 現. 在. 的. 新. 髮. 型。
7. 唔明點解死都唔肯幫我剪齊蔭, 你真的比我自己更了解什麼最適合我嗎。
8. 原來我仲要唔識吹頭添。
9. 今晚去了一次tarot gathering, 感覺不錯。找到志同道合的人感覺真好。不喜歡塔羅和神秘學總是被視為迷信, 這些都是心靈的探索。這就是我最喜歡的。今晚有人用oh card幫我解牌, 簡直好似睇完心理醫生咁, 好舒服, 好inspiring。
10. 我愛妳呀, 但願你還feel到。
11. 上半山跟幾個好朋友吃定食, 豁然開朗, 好鍾意你地呀。仲好鍾意鬼佬幫我地影既梯形合照。
12. 發現其實上司很體貼, 自己真的算是幸運。今天他叫我不用擔心, 請了新同事也不會影響我們的工作量 (我們好像車衣女工一樣做一件算一件錢)。又頻頻說想請像我們一樣能幫忙的人, 說新人白字多。(我只敢輕聲跟他說新人需要時間適應, 宜多給人家機會和時間)。其實不排除他說的只是好話, 但仍感激他有這種好意說好話。說真的, 他可以省掉這些話的。
13. 不過仍然會在明年碩士畢業後看看有沒有更有趣的工作兼做。 :)

旅遊書p. 143

「01年創立的Frapbois, Frap代表法文拍打的意思, 而bois則是木琴, 兩者加起等於敲打木琴。」

PLAN行程PLAN行程PLAN行程!!!!

勁興奮呀!!! 救命!!! 以後決定叫你敲打木琴, 係咁先, 費事又串錯, 串錯仲懶改添。 :D

得閒要問隔離位同事呢個字法文點讀先, 然後去日本探佢同買佢番屋企。一月份學校有FRENCH CLASS, 六百蚊一個COURSE, 好似唔讀都對唔住自己。

babe u never know n u never dunno

做人, 真係永遠唔知下一秒自己會點, 係點, 想點。係咪個人問題呢? 定係人人都係咁? 呢一刻好鬼想知。之前話死都唔會做唔會吃既, 而家做晒吃晒啦。咩事呢?!!

1. 細個覺得好地地做咩要化妝? 朝早訓多陣好過啦。「大個」d覺得, 點可以唔化妝? 痴線架?!
2. 以前唔食wasabi, 而家愛吃
3. 以前對咖啡避之則吉, 今年開始得閒就整杯莫卡, 睇怕遲d都會毫無驚喜地向濃咖啡say hi然後跟佢做個friend
4. 開始咩都睇質地睇料睇牌子, 款唔再係main and only focus
5. 開始唔去旺角, 甚至討厭同怕
6. 開始覺得要戒啤酒宜飲紅酒
7. 以前唔鍾意去旅行, 開始想一年去幾個地方。係咪開始怕老怕死, 所以死都要去增廣見聞呢
8. 以前覺得點可以唔生bb呢一世人。而家覺得生bb唔應該係一種desire, 更理想既應該係一種責任
9. 以前覺得無方向感呢一世都只會做乘客, 但今年覺得出年應該考個車牌
10. 仍然好鍾意自己份工, 但唔會好似以前咁講「我願做過世」!
11. 以前覺得可以去就fine啦, 而家? 最好係vip啦
12. 剪頭髮既價錢直線飆升

p.s. 單純願望: 唔理變成點, 只希望呢一世, 自己錫既人同自己都可以含笑而終。 :)