- 2004夏天. 跑馬地診所。我要脫光然後穿上手術服。
- 整裝待發步出更衣室, 坐下。姑娘突然笑起來, 衰衰o個隻。
- 好似發緊夢咁, 唔知做咩好鬼呆, 望住姑娘。
- 佢笑到口震咁話, 小姐, 呢條唔係帽, 係底褲。
- 我拎過條新既俾你。
- 我居然仲有心情應佢: 梗係啦梗係啦, 唔該。
- 然後一直維持想爆笑又唔咁當眾笑既神情, 發抖著身體等做手術。
- 在等的期間, 走到外面。瘋癲的華姐原來在讀雜誌。
- 於是我帶著怪笑, 坐到她旁邊。跟她說剛才發生一件爆笑事, 叫她估。
- 最神奇既係, 華姐第二次就估中佐: 你唔係將底褲笠係頭度呀嘛?????
- 前世佢一定係我老母, 一係我地就係twins。
- 終於忍唔住, 戴著真正既手術帽、著住真正既底褲。同華姐一併笑到仆街。
- 認定呢單野係人生十大。成件事好鬼Ross, 我事後發現。哈哈哈。
- 好喇, 我仲要做完手術之後一個月都唔可以笑, 否則會笑爆傷口。
- 點知終於有一日, 忍唔住同美人講佐。
- 從此街知巷聞。
- 其實我唔介意俾所有人知, 但好介意我無得一齊笑。(!!!)
- 哈哈哈, 原來低能係咁好笑架喎。
- 係度扮唔知低能係咩一回事, 其實已經係專家。
- 小米提起最近認親認戚黨肆虐本城市。咳咳, well, 醒起我都做佐好多次受害人。
- M致電扮銀行職員點解咁似, 我同佢講佐幾分鐘卡數都真係以為, 我真係遲佐找卡數, 有人打電話黎催我!
- 之後另一次PCCW女職員打黎, 我以為佢係我朋友Ivy, 於是係咁鬧佢: 你仲扮? 好無聊呀, 唔好扮職員啦, 又扮得幾似喎你......blahblahblah
- 對方一直無理過我, 係咁講佢要講既野
- 而我, 仲未醒水
- 直至佢問我, 你頭先o岩o岩選用佐我地公司既上網計劃...
- 只好面懵懵咁正經地收線兼收爹。
- 收線後發現車度有幾條友忍緊笑。
(怪事定時定候出現。夏天流流, 諗番起都幾得意。突然覺得, 其實這幾年間我的進步都算神速啦, 慢慢做緊自己想成為既人, 成日咁harsh同心急都好q苦。傷心都係太無聊姐, 有時間懷疑自己同埋流失自信, 不如笑完碌過去算啦。不時有人問我點解會同美人熟, 可能佢地好奇點解美人同我熟卦, 我唔知, 不過我估係, 我地都覺得對方好笑而且對自己好囉! 係好簡單架。唔, 下星期一可以一齊開心事大會, 我想煮野一齊食。胡天胡帝亂咁廢up應該會好開心架! yeah! )
